मुंबई. आयपीएल 2023 चे सामने रंगात आले आहेत, अत्यंत चुरशीचे आणि अटीतटीचे सामने होत असताना अनेक खेळाडू या हंगामात जखमी झाले आहेत. चेन्नई विरुद्धच्या सामन्याआधी लखनऊ टीमला दुहेरी धक्का बसला आहे. के एल राहुल पाठोपाठ आणखी एक स्टार खेळाडू टीममधूनच नाही तर आयपीएलमधून बाहेर पडला आहे.
लखनऊ सुपर जायंट्सचा बॉलर जयदेव उनाडकट आयपीएल 2023 मधून बाहेर पडला आहे. दुखापतीमुळे तो सामना खेळू शकला नाही. मात्र आता तो या मोसमात पुनरागमन करू शकणार नाही अशी माहिती मिळाली आहे. उनाडकटच्या डाव्या खांद्याला दुखापत झाली आहे.
लखनऊ सुपर जायंट्सचा बॉलर जयदेव उनाडकट आयपीएल 2023 मधून बाहेर पडला आहे. दुखापतीमुळे तो सामना खेळू शकला नाही. मात्र आता तो या मोसमात पुनरागमन करू शकणार नाही अशी माहिती मिळाली आहे. उनाडकटच्या डाव्या खांद्याला दुखापत झाली आहे.
जयदेव उनाडकट गेल्या रविवारी नेटमध्ये गोलंदाजीचा सराव करत होता. त्यावेळी त्याला दुखापत झाली. आयपीएलच्या ट्विटरवर त्याचा व्हिडिओही ट्विट केला होता. आता क्रिकइन्फोच्या रिपोर्टनुसार तो या मोसमात खेळू शकणार नसल्याचे समोर आले आहे.
दुखापतीमुळे उनाडकट IPL मधून बाहेर पडला आहे. ऑस्ट्रेलियाविरुद्धच्या वर्ल्ड टेस्ट चॅम्पियनशिप सामन्यापूर्वी तो फिट होईल अशी अपेक्षा आहे. उनाडकटला लवकरच बंगळुरू येथील राष्ट्रीय क्रिकेट अकादमीत पाठवले जाऊ शकते. सध्या तो उपचारासाठी मुंबईला गेल्याची माहिती मिळाली आहे